توهان
بسم الله
المدونة دى عجيبة والله بتحسسنى انى في صحرا جرداء لا اكل ولا ماء...........ماااااااااااااااااااااء
بصراحةالمفروض اغير اسمها من نسائم الى اى حاجة تانية عشان الكآبة اللى فيها دى
..........نسميها مثلا حزائن......معرفشي يعنى ايه بس تقريباحزائن من الحزن
دنيا والله مخليه الواحد اللى كانت الضحكة ما تفارقشي وشه بيضحك بردو وكل حاجة بس من غير نفس..دنيا خلتنى اعمل البتاعة المدونة دى قال بعنى عشان مخنوقة وهى هتفك خنقتنى ..يلا ما علينا
هو النهاردة كام
النهاردة 6\7 عادى يعنى يوم زى الايام..
وانا اللى فاكراكى هتقولى عليه مناسبة جامدة
لالالا عادى بس انا عندى فكرة لسه طقه في دماغي ممكن نخليه عيد رسمى في المدونة الكئيبة دى
الله اكبر..آذان المغرب شغال
آه عنوان البوست
توهان يا سلااااااااااااام
عليه شوية اسماء يودوا العباسية
توهان دى الحالةاللى انا فيها دلوقتى وشكلها هتستمر كتير
استرها يارب
الحمد لله رب العالمين
اما اقوم اصلي هبقي ادعيلك معايا
سلام
أصعب شعور
بسم الله
ان يكون بداخلك الكثير من المشاعر والاقاويل والكلمات والتعبيرات والايحاءات والمخللات..ولا تقدر على البوح بها اعتقد ان هذا هو اصعب شعور.
أن يكون لديك الكثير من الاحلام والكثير من العجز والكثير من الضعف والقليل من القدرة..هو أصعب شعور.
أن يكون لديك احساس دائم بالامل في التفوق واعتلاء عرش اى حاجة وتجد العكس تماما ..هو اصعب شعور.
أن يكون لديك احساس دائم بالتوجه الى الصح ولكن النتيجة تثبت ان التوجه كان للخطأ ..هو أصعب شعور.
أن تجد أن الناس يتقدمون من حولك وأنت واقف محلك سر وعلانيةكمان...............هو أصعب شعور.
أن لا تجد من يفهمك عل النحو الصحيح "أو النحو الذى تريده" وكل الناس تفهمك على طريقتهم...هو أصعب شعور.
أن يكون لديك وجه باسم طوال الوقت يخفي تحته الكثير من الحزن والاضطرابات...هو أصعب شعور.
أن تعتاد على هذا الوجه الباسم ولا تقدر على انتزاعه لكى تعبر عن نفسك التى امتلأت عن آخرهاو فاضت..ولا تقدر...هو أصعب شعور.
أن تكون عاجز عن وصف مشاعرك وأحزانك لا لأنك لم تجد احدا تحكى له..ولكن لأنك تعودت على الكتمان..هو أصعب شعور
كل هذه الشعورات الصعبة وأصعب منها بكثير تحمله طيات نفسي..لا تجد سوى التوجه الى السماء لتحكى اليها ولكن دون كلام مجرد نظرات الى السماء تذلل بعض الصعاب.
الحمد لله
بردو i hope
قال الحسن البصرى:يا ابن آدم انما أنت أيام اذا ذهب يوم ذهب بعضكوقال "نهارك ضيفك:فأحسن اليه..فانك ان احسنت اليه ارتحل بحمدك وان اسأت ايه ارتحل بذمكوقال "ان الدنيا ثلاثة أيام..أما الأمس فقد ذهب بما فيه..وأما غدا فلعلك لاتدركهوأما اليوم فلك..فاعمل فيه
I hope
بسم الله الرحمن الرحيم
عش كل لحظة كأنها آآآآآآخر لحظة
عش بالايمان
عش بالكفاح
عش بالامل في الله
انا فاشله.....انا وحشة
بسم الله
فيه بشر بناقبلهم..بنحبهم ويحبونا
فيه بشر نقابلهم ..نحبهم وميحبوناش
وفيه بشر نقابلهم.يحبونا ومنعرفشي انهم بيحبونا فيفتكروا اننا مش بنحبهم
وفيه بشر نحبهم ومنقولهمشي
وفيه بشر يحبونا وميقولوش
وفيه بشر بنكرههم ويكرهونا
وفيه بشر يكرهونا واحنا مش بنكرههم
وفيه بشر بنكرهم ومش بيكرهونا
وفيه مبيحبوش ومبيكرهوش
وفيه بشر بتحب بس
وبشر بتكره بس
وفيه قولب نايمة
وفيه قلوب صاحيه
وفيه قلوب هبله
وفيه قلوب اهبل
وفيه قلوب بيضه
وفيه قلوب سودا
وفيه قلوب كاروهات
وفيه قلوب بالالوان
وفيه قلوب منقطه
وفيه قلوب مخططه
وفيه قلوب مقلمة
وفيه قلوب متألمة
مفيه قلوب متعلمه
وفيه قلوب جاهله
وفيه قلوب ساهيه
وقلوب تودى في داهيه
وفيه عيون واسعه
وفيه عيون ضيقه
وعيون متوسعه ومضيقه
وعيون مضايقه ومش رايقه
وعيون معمصه
وعيون مبصبصه
وعيون مدخششه
وعيون محششه
واسنان بيضا
واسنان صفرا
وضحكه صفرا
وضحكة صافيه
وفيه ضحكة وراها دمعه
وفيه دمعه وراها ضحكة
وفيه ضحكة وراها ازمة
وفيه ضحكة وملهاش لازمة
وفيه دمعه نفسها تنزل
وفيه دمعه متكبرة
وفيه دمعه متحيرة
وفيه لمعه ومطفيه
وفيه لمعه ولمعيه
وفيه دمعه معدية
وفيه دمعه ومحبوسة
وفيه دمعه ومخرومة بالسوسة
وفيه سوسة في الخشبة
وفيه خشبة مفيهاش سوسة
وفيه توتة وحدوتة
وفيه حدوتة حلوة ومش ملتوتة
وحدوتى مهيش حلوة ولا ملتوتة
واقفة في نص الطريق مكتوفه
هنا يشدها وهناك يربطوها
هنا يهزها وهناك يثبتوها
واتقطع الحبل في الآخر
الحبل أصله مغشوش مكانشي فاخر
وانا طهقت وزهقت ومليت
وعمرى لحد غير نفسي ما فكيت
ونفسي منى زهقت واشتكت
وياما في نفسها بكت
.............
توقعات غير مرئية
بسم الله
عمرى ما كنت احب اتوقع حاجة ومبحبش التوقعات
ومبحبش افكر ايه ممكن يحصل في المستقبل......لانه كله طبعا بايد ربنا سبحانه وتعالى
بس بردو كنت بعتبر دا عيب فيه ..المفروض انى افكر ويبقي فيه نوع من التخطيط وبردو كله بايد ربنا
للاسف اليومين دول بقيت بتوقع وتوقعى دا لا ارادى او يمكن بردو يكون ارادى
وللاسف متوقعه حاجات سيئة
الحاجات السيئة دى مش بس ليه دى لناس تانية ويمكن لمستقبل مصر كلها
ولما اتذكر الحديث القدسي "انا عند ظن عبدى بى"
ازعل من نفسي
لكن بردو التوقعات دى قدامى
ولانى مبحبش التوقعات ...فيمكن اكون بحب المفاجآت
بس بردو معشش في دماغى الدعاء بتاع "اللهم انى اعوذ بك من فجأة نقمتك"
فيه تانقضات وصراعات .....
يمكن خير......وان شاء الله خير
بس التفكير في المستقبل دا اتضح انه شىء صعب ومرهق
اخر حوار بينى وبين صاحبتى _نون_ توصلنا في نهاية الحوار "وزى كل نهاية"ان الدنيا دى اقل من جناح بعوضه..لكن بردو رغم ان احنا عارفين قيمتها "اللا قيمة"بردو بتاخدنا فيها واحيانا نتمسك بيها ونتهوه ونزعل من حاجات تافهة ونفرح من حاجات اتفه .
حديث الرسول "عليه الصلاة والسلام"...(اعمل لدنياك كأنك تعيش أبدا واعمل لآخرتك كأنك تموت غدا" ....بجد حديث عبقرى وبيصبرنى على حاجات كتيرة..
انا احسن الظن فيك يا ربي
مواليد ووفيات
بسم الله الرحمن الرحيم
موااااااااليد
انا كنت بحب يوم الجمعه زى كل الناس ما بتحبه عشان اجازة وعايشين فيه براحتنا بس من فترة كده ابتديت احبه اكتر لان بيجى عندنا فيه ملاك يقعد طول اليوم الملاك دا يعنى مبهدلنى بس بهدلة ملهاش زى
الملاك دا هو قصدى هى بنت اختى
اجمل احساس في الدنيا وانا قاعده معاها يااااااااااه كانى معنديش اى حاجة ورايا ولا حتى قدامى وعمرى ما شبعت منها رغم انها ساعت ما بتحب تلعب معايا ممكن تجيب شوية شعر من شعرى في ايدها حتة من منخيرى اللى تطوله بقي
طول الاسبوع بكون محضرة كم مذاكرة محترم عشان اذاكره واقول انا هسلم على اختى واقعد معاها شوية وادخل عدل اذاكر ,طبعا اشوف بسنت من هنا ولا كأن ورايا مذاكرة
امبارح لقيت اختى بتتصل
مااااااااااااااما ماااااااااااااااما مش بوسي طلعت سنة
طبعا ماما ماتت م الضحك بس انا فرحت قوى
"كل سنة وانتى طيبة"
....................................................................
وفياااااااااااات
النهاردة وانا داخلة الاتوبيس لقيت واحدة صاحبتى لابسة اسود في اسود فسألت واحدة صاحبتى تانية
ودا الحوار اللى دار بينى وبينها
هى فلانة دى لابسة اسود ليه.......... ايه دا متعرفيش ان بابا ها مات!!
انا طبعا تنحت ......مات؟ امتى؟ وازاى؟ ................ الخميس قبل اللى فات.....
انا صعقت .........ازاى وانا حتى معزتهاش منظرى ايه دلوقتى
طيب انتو روحتولها؟ .....آآه روحنا
.........
طيب مش تقولوا دا انتو اندال
يا بنتى احنا روحنا وقعدنا مش عارفين نقول ايه...
طيب محاولتوش تخففوا عنها
انا اصلا كنت ماسكة نفسي بالعافية وانا قاعده افتكرت فيلم اللمبي لما كان الليمبي بيعزى في ابو باخ هههههههههههههههههههههههههه
وانا كمان ههههههههههههههه
..............
لما سيبتها قلت يا نهار اسود يعنى ممكن حد يروح يعزى والناس اللى عندهم حالة وفاة في وادى وانا في الليمبي .....طيب اروح ليه ؟
بس مش مطلوب منى انى اعيط...
طيب انا لو كنت مكان الناس اللى عندهم حالة وفاة وانا عارفة ان كل اللى قاعدين دول دماغهم فيه اللمبى هعمل ايه؟
طيب هو الواحد وهو رايح يعزى المفروض يفكر في ايه؟؟؟؟؟؟؟؟؟؟؟
